-80x80w.jpg "T-BEST")
選擇適合的震蛋幫你達到高潮
震蛋＝高潮？並唔係咁簡單，想高潮黎得容易？震蛋幫到你。市面上有林林總總各式各樣嘅震蛋，花多眼亂，有選擇困難嘅人，睇呢篇文章就最適合你。
女性高潮主要有幾種，最熱門同最為人熟悉嘅係陰蒂高潮同陰道 G點高潮，通常第一次玩情趣用品嘅人，都係先以震蛋作為入門玩具，因為震蛋相比其他女性玩具黎講，價錢平啲，外表又冇殺傷力，又平又靚，咁應該係震蛋比較受歡迎嘅主要原因。
另外，好多人都誤會女性嘅情趣玩具只有震蛋單一分類，其實女性嘅玩具有好多種，不過，今日講震蛋，點樣幫到你達到高潮，其他類別就等下次再慢慢講解啦。前文提到，震蛋價錢係比較便宜，加上冇殺傷力嘅外表，但唔好以為有震蛋就有高潮，想要高潮都係需要硬件同軟件配合。亦都有好多人以為震蛋係可以放入陰道入面，但其實震蛋嘅設計，唔係比你放入陰道，而係刺激陰蒂，目的係達到陰蒂高潮。
記住一樣野，震蛋嘅設計係震出面陰蒂（C點），唔係震入面陰道（G點）。不過，因為太多人將震蛋（錯誤地）放入陰道入面，震蛋嘅生產商將錯就錯，通常會加條線喺後面，方便將震蛋放入陰道後拉番出黎。再衍生埋無線震蛋，自從有咗智能手機後，仲有埋用手機 APP 控制嘅遙控震蛋，方便出街玩調教等等。
撇開要拎出街玩，震蛋嘅主要功能就係比你陰蒂高潮，開著震蛋後，慢慢探索自己嘅敏感點，將震蛋游走於大脾罅、大小陰唇、陰蒂之間，搵到最敏感嘅點後，集中刺激嗰個位置，高潮就會伴隨著震動而來臨。
咦唔係喎？我已經照住呢個方法都達唔到高潮？前面都有講過，想要高潮係須要軟硬兼施，缺一不可！「軟」係需要有好多嘢配合，例如心情、氣氛、地方、人物等等，呢樣我就幫唔到你，但係可以教你點樣搵最適合你嘅「硬件」！
選擇幫到你高潮嘅震蛋，係睇幾方面：價錢、材質、品牌、震動力。始終一分錢一分貨，幾十蚊嘅震蛋都可以震出快感，但唔好貪平而選擇材質不良嘅商品，試想想，如果差不多高潮嘅時候，震蛋刮到脆嫩嘅肌膚，即時咩 MOOD 都冇晒！
常見嘅震蛋材質包括 PVC 同埋矽膠，一般價錢相宜嘅震蛋都係用 PVC ，缺點就係較硬身，可能會添加塑化劑令震蛋柔軟，絕對唔建議使用，當然，震蛋嘅遙控如果係用 PVC 嘅就完全冇問題啦。另一種係矽膠材質，矽膠都有等級之分，從震蛋嘅價錢及品牌，就會略略知道。
品牌方面，歐美品牌比日本品牌無論係價錢、款式、耐用程度都相差好大！日本品牌嘅震蛋其實係比較容易壞，據「晴趣屋」內部調查，日本品牌嘅震蛋容易壞嘅原因係因為日本人貪新厭舊，耐唔耐就換新花款。而經常換款，價錢及材質就會調低！雖然增加客人購買嘅意慾，但變相減低咗耐用性！所以，如果想買好嘅震蛋，歐美品牌係你嘅不二之選。
其次，震動力都係重要嘅一環，如果震動力唔夠嘅話，可能會有到喉唔到肺嘅感覺，大部份震蛋都有唔同嘅震動頻率，由弱至強，再轉變為不同嘅頻率，甚至有震蛋多達 120 種嘅變化，選擇適合嘅震動頻率，係快速高潮嘅秘訣！
市面上有咁多款震蛋：有線震蛋、無線震蛋、以及近排好流行嘅用手機 APP 控制嘅震蛋，咁又應該點樣選擇呢？有線震蛋，顧名思義，喺遙控同震蛋之間會有一條電線連住，優點在於會完全聽你支笛，你開最弱就最弱，最強就最強，但成也敗也都係呢條線，如果斷左，就即刻廢左武功，完全唔用得。
無線震蛋同用手機 APP 控制嘅震蛋類似，分別在於一個係實體遙控器，一個係手機上的應用程式，原理都係用藍牙連接比較多，一般遙控或手機同震蛋嘅距離唔超過10米都可以玩到，拎出街玩調教都得。缺點係好容易受外來因素影響穩定性：例如藍牙斷開、或震蛋嘅藍牙壞咗（呢個情況唔常見）。
科技嘅進步，除咗令到生活更方便和舒適外，同時帶來情趣玩具嘅改變，有啲手機 APP 控制嘅震蛋仲可以 LONG D ，利用個 APP，就算你遠在美國，都可以遠距離遙控喺香港嘅震蛋，睇到呢度，各位 LONG D 緊嘅情侶，係咪好想即刻擁有一個呢？
請留言