高潮未必有潮吹，「性」「愛」兼備多樂趣！

小編今日得閒得滯望一望天文台，發現嚟緊嗰幾日原來都好大機會會落雨。喺呢一度我有感而發，諗起一句說話：夏天為大地帶嚟雨水，高潮為女士帶嚟潮吹。我相信呢一句說話，對於大部份男性來講都係非常之咁合理，而且係轉接一啲都唔生硬㗎。至於原因就當然係因為我哋有足夠豐富嘅經驗啦 ⋯⋯ 我指嘅係閱片嘅經驗。

相信如果睇 AV 可以攞學位，咁大部份男士都應該已經攞咗 AV 界 Ph.D（博士學位）㗎喇。而喺大量嘅 A 片，尤其歐美派，「潮吹」呢個名詞，大家都已經係耳熟能詳，因為冇噴返一升半升，作為歐美界 AV 女優基本上係毫無立足之地。而相信各位男士對於實戰嘅時候，可以見識到女伴嘅潮吹，唔多唔少都會有着一定嘅憧憬，甚至有啲男士係鍾意外敷內服㗎～唔知會唔會有男士們認為性高潮就等於一定會噴水㗎呢？而當完事後，你嘅女伴一滴水都冇，但係佢話俾你聽佢已經「要壞掉了」，究竟嗰啲又係唔係只係一個簡單又美麗嘅白色謊言呢？小編今日就為廣大男性解答一下呢個世紀之謎！

首先喺呢度小編可以直接了當咁樣話俾大家聽，無論係 AV 定係現實情況，潮吹嘅現象所噴出嚟嘅，一律，都係尿，冇錯，係尿！潮吹，簡單啲嚟講即係指女性喺做愛期間噴水嘅呢個行為，講就好好聽：水，無色無味，乾淨又衛生，仲幾養生添，真係多多都飲得落。而可能有親身品嚐過嘅男士即刻就會話喇：冇可能！潮吹液明明就係同水一模一樣，點會係尿啊！但係我哋可以諗吓，女性陰道所連接嘅子宮係唔會有大量水份儲存喺入面㗎，而喺人體裏面唯一可以儲存咁大量水份而又可以一次過噴出嘅部位，就只有連接住尿道嘅膀胱。喺呢度問吓大家咁究竟膀胱入面所儲存嘅係乜嘢呢？唉 ⋯⋯ 我都無謂講到咁白。男士們，「簡單一個道理，你怎麼不看透」呢？

好喇！返到嚟實戰階段，如果有女士睇到呢到嘅話，可能佢哋會有以下呢一個疑問：我明明喺扑嘢之前已經去完廁所，又點會再有尿液可以噴啊？冇錯，你嗰一刻可能已經去乾去淨，但係請留意，人體裏面嘅尿液製造係無時無刻、隨時隨地㗎，而做愛並不會令到身體停止製造尿液，所以都係嗰句：「係呀，你噴緊尿啊。」某程度上來講：你有尿失禁。

而有關於做愛時候嘅性高潮，咁究竟性高潮嘅時候會唔會分泌體液㗎呢？答案係會㗎，但係嗰啲體液，唔會多到噴出嚟，而係好似潺潺流水咁流出嚟，而份量就大概係一茶匙左右。佢就同喺前戲嘅時候男士成日都話：「咦？你咁快就濕晒嗱？」嘅「濕閪元兇」，係同一樣嘅愛液，都係由陰道附近嘅巴氏腺所製造嘅，只係隨着性愛嘅快感同性高潮嘅到達，會相對再分泌多一啲。所以簡單來講：高潮唔等於潮吹，而潮吹都唔一定係代表高潮。感覺上嘅高潮，同畫面上嘅潮吹，基本上係冇關係嘅～

所以無論係男性定係女性都唔需要太過執着於「潮吹」，女士們「噴唔到」唔代表係你嘅問題，男士們「屌唔出」亦都唔代表你冇料到，反而如果呢個現象發生得太過頻密，可能係代表女士們有膀胱無力、引致性交尿失禁嘅問題，咁可能就真係要睇一睇醫生喇！記住啦：噴水未必有高潮，「性」「愛」兼備仲抵屌！

想知道更加多有趣嘅性知識或者性愛迷思，可以 keep 住追蹤晴趣屋嘅 facebook 或者 IG page！