陰道乾澀常見於40歲50歲更年期女性！憂性交令私密處發炎？3招解決

陰道乾澀係女性正常生理現象，特別當去到更年期。如果喺陰道乾澀情況下進行性行為，就會帶嚟撕裂痛，仲有機會導致陰道炎。想知點避免？又可以享受性愛樂趣？呢篇文章，就唔可以錯過啦。

陰道乾澀成因：女性更年期

更年期泛指女性收經前嘅一段日子，佢唔只影響心理，仲會對女性生活習慣及性生活帶嚟唔同程度改變。

女性更年期歲數

更年期一般喺女性45至55歲出現（維持4至5年），但實際出現年齡人人唔同。女性到咗更年期，因為荷爾蒙分泌改變（特別係女性荷爾蒙之一嘅雌激素），所以會令身心出現變化，具體如下：

女性更年期心理症狀

1. 憂鬱；

2. 無自信；

3. 脾氣差；

4. 精神難集中；

5. 精神緊張；

6. 記憶力衰退。

女性更年期生理症狀

• 心血管問題：動脈粥樣硬化或冠心病出現機會提升；

• 陰道乾澀：女性到咗更年期，身體會減少分泌雌激素，令陰道乾涸，影響性生活（下文詳述）；

• 小便失禁：個別更年期女性會出現膀胱功能下降或小便失禁；

• 出現骨質疏鬆：患者會更易斷骨； • 潮紅潮熱出現：面、頸及胸位置會出現發熱發紅不適。個心亦會間唔時跳得好快兼大量出汗，哩種情況可維持1到2分鐘；

• 經期混亂：更年期女性嘅經期會反常唔規律；

• 皮膚鬆弛：雌激素係可以刺激透明質酸、膠原蛋白及彈性蛋白產生，令皮膚飽滿。當雌激素分泌少咗，女士嘅皮膚有可能變差，唔結實；

• 其餘身體不適：頭暈、頭痛、易攰及易失眠。

女性更年期陰道變化如何影響性行為？

陰道乾澀係更年期女性常見問題！家計會指，受雌激素分泌減少影響，陰道黏膜層會變薄，失去彈性，陰道容易出現痕癢。加上陰道分泌物減少，所以進行性交前如果前戲唔夠，喺陰道太乾嘅情況下強行進入，就會刺痛出血，導致陰道炎。 醫生亦指，女性陰道嘅伸展擴張力係會因為身體老化下降，加上隨住陰道入面嘅彈性纖維、骨膠原同透明質酸含量大減，就會令陰道彈力唔夠、收窄、變短同入口收縮，哩啲改變，都會令熟齡女性喺性交時，有機會出現陰道刺痛。

陰道乾澀性交痛的3個解決方法

要預防陰道乾澀帶嚟嘅性交痛，有3個方法：

私密處太乾性交痛的解決方法 1：定期做愛

醫生指，性行為可以增加陰道彈性，滋潤私密部位，延緩陰道組織退化。所以，女性應每星期做愛一次；

陰道乾涸性交痛解決方法 2：藥物治療

陰道太乾，醫生或會處方荷爾蒙藥物（可外用或口服），舒緩私密處乾澀問題；

私密部位乾澀性交痛解決方法 3：使用陰道潤滑液

利用陰道潤滑液，可解決性交時，陰道太乾產生嘅撕裂痛。用法方面，最好係先搽喺性伴侶陰莖上面，令潤滑液喺插入過程，進入陰道。

潤滑液種類介紹

潤滑液種類好多，有適用於陰道性交，有適用於肛門性交，有可以用喺性玩具上面。簡單嚟講，潤滑液有7種類型，下文一一介紹：

水性潤滑液用法特性

水性潤滑液嘅好處係易洗，但易乾。所以，做愛時，有機會做做吓，因為太乾，而需停低加潤滑液，先可以繼續做。

油性潤滑液用法特性

油性潤滑液好處係夠滑，無咁易乾，但難清潔。同埋，油性潤滑液係會令避孕套穿。

矽性潤滑液用法特性

矽性潤滑液係一款適合肛交用嘅潤滑液，可以連埋安全套用，但就唔可以連埋性玩具或情趣用品用。

肛交潤滑液用法特性

唔少肛交潤滑液都有矽嘅成分，個別肛交潤滑液更附有矽以外嘅特別成分，可以鬆弛肛門肌肉，令肛交過程順暢。

果味潤滑液用法特性

果味潤滑液口交液通常由可食用成分製成，陰道性交同口交都用得。

熱感/冰感潤滑液用法特性

總有人鍾意「冰火」，所以潤滑液生產商亦推出熱感冰感潤滑液，既可以喺熱天提供涼快性交體驗，亦可以喺冬天，俾到性伴侶溫暖嘅性愛感覺。

按摩型潤滑液用法特性

按摩潤滑液最簡單就係用嚟按摩女性陰部或陰核，令佢哋更興奮，提升性愛樂趣，而且佢兼備潤滑功能，更加抵用。

睇完上述分享，係咪想買支潤滑液試吓？立即到性愛潤滑液專頁望一望啦！款式齊備。而且，網購之後，仲可以寄去指定速遞櫃，方便大家拎貨唔尷尬。