-80x80w.jpg "T-BEST")
超薄避孕套比較！岡本vs相模！一文拆解超薄、激薄、0.01、0.02及0.03分別
超薄避孕套有邊款好推介？行開便利店或超市，總見到唔少安全套包裝上有0.01、0.02及0.03哩啲數字。佢哋係咪真係代表超薄？有無一個數字單位可以量度？今次，我哋就翻查消委會嘅調查，話俾大家知個真相係乜。當然，亦會話埋俾大家聽，邊款避孕套係最薄啦。
安全套超薄定義
市面上有唔少安全套會用「超薄」及「激薄」哩類字眼做賣點，但原來唔同公司嘅「薄」都係唔一樣。消委會就拎晒所有喺包裝上，印有「超薄」字眼嘅牌子做對比。當中，「相模原創0.01」嘅超薄，平均厚度係0.025毫米。而同樣聲稱超薄嘅「杜蕾斯超薄緊貼裝衞生套」厚度係0.057毫米。兩者相差約1.3倍。
0.01、0.02及0.03係超薄避孕套代號？
唔少安全套盒上面會印有001、0.01、0.02及0.03等字眼，其實代表乜？經消委會向相關代理商查詢，原來各個代理商講法係唔一樣： • 岡本：0.01產品厚度係喺0.01至0.019毫米範圍之間。至於0.02嘅產品厚度就喺0.02至0.029毫米之間，如此類推； • 活色生香：0.01同0.02只係產品型號名稱，同厚度無關； • Aoni：無講過產品上標示嘅「001」同產品厚度有關。
所以，大家喺安全套包裝上見到嘅001、0.01、0.02及0.03嘅字眼，未必係同厚度有關。而且，整個業界對0.01哩類字眼，都未有統一嘅尺寸標準。大家買安全套時，盡量可以留意吓避孕套有無厚度單位嘅字眼，例如「毫米」或者「微米」。
邊種Condom物料較薄好用？
安全套嘅製造物料有橡膠（Latex）、聚氨酯（Polyurethane，簡稱PU）及聚異戊二烯 （Polyisoprene，簡稱PI），而喺消委會調查入面，3種物料之中，又以PU物料做成嘅安全套最薄，例如「岡本0.01水性聚氨酯」，平均厚度係0.019毫米。至於PI物料製成嘅安全套喺最厚，橡膠物料安全套就處於中間。
超薄避孕套比較表
3款較薄嘅PI物料安全套
品牌中文（英文） | 消委會實測平均厚度 |
岡本0.01水性聚氨酯 （Okamoto 0.01 Hydro Polyurethane） | 0.019毫米 |
活色生香聚氨酯安全套0.01（Wonder Life 0.01 Polyurethane Condom） | 0.024毫米 |
相模原創0.01 （Sagami Original 0.01） | 0.025毫米 |
3款較薄嘅橡膠物料避孕套
品牌中文（英文） | 消委會實測平均厚度 |
岡本0.03貼身超薄（Okamoto 0.03 Real Fit） | 0.039毫米 |
岡本0.03冰薄（Okamoto 0.03 Cool） | 0.040毫米 |
岡本0.03白金超薄（Okamoto 0.03 Platinum） | 0.041毫米 |
安全套內有麻醉劑？有無害？
市面上有啲避孕套聲稱加咗麻醉藥（Benzocaine），話可以減低陰莖尖端敏感度，令男性無咁易射精，變相延長男性陽具勃起時間，但要留意，藥物始終有機會令人過敏，如果消費者係有疑慮，建議用之前，問問醫生意見。 泌尿科醫生黃國田喺接受消委會查詢時就提過，男性喺陰道抽插3至7分鐘之後就會射精，倘若插入後，好快就射精，即係早洩，而為相關男性處方外用麻醉劑係治療方法之一。
安全套愈厚 做愛愈持久？
黃國田醫生指，用較厚嘅安全套，係可以減低陰莖嘅敏感度，令男人無咁易射精，但佢提醒，性交時間短，亦可能係勃起功能出現障礙，即係陽具扯起嘅持久力出現問題，哩類情況亦需要求醫，並唔會因為用較厚嘅避孕套可以改善情況。
睇完呢篇分享，係咪對避孕套有更多了解？而喺上面嘅消委會推介中，晴趣屋就有售日本版岡本 0.03 真貼身10片裝及日本版岡本 0.03 12片裝（白金超薄系列）。有興趣？立即去網站望一望啦！買完仲可以送到你指定嘅收貨地點，私隱度高，絕對唔尷尬！
延伸閱讀：
請留言