按摩棒震蛋性玩具清洗！專家分享女性自慰情趣用品保養秘訣及禁忌

按摩棒震蛋性玩具清洗方法係點？喺前一篇，晴趣屋就分享咗清潔飛機杯同飛機膠嘅方法，今篇就講吓女性玩具點清洗、洗嘅時候要注意啲乜。想妳嘅性玩具更耐用？唔想用到有性病，接住落嚟嘅分享，要記住啦。

按摩棒震蛋性玩具清潔重點

按摩棒同震蛋呢啲性玩具，好多人以為係用完先要洗，其實用之前，都要洗。例如有啲性玩具係矽膠質地，放得耐會黐立立，易鋪塵、亦有機會有微生物或者小昆蟲喺上面行過。倘若唔洗直接放入陰道，真係好唔衛生同危險。所以，用之前要洗洗，同埋噴一噴專清潔性玩具嘅消毒抑菌噴霧。

按摩棒震蛋性玩具清洗方法3步驟

• 步驟1：電動性玩具先用濕布抹，再用布或者紙巾整乾佢。至於非電動性玩具可以濕水，捽乾淨佢，但唔建議將佢浸喺水太耐；

• 步驟2：想整乾性玩具，用嘅毛巾唔可以甩毛，紙巾唔可以遇水就散晒。同埋用紙巾或毛巾印乾性玩具時，一定要用輕力按壓玩具，方便吸乾水分；

• 步驟3：情趣用品乾咗，就用專清潔性玩具嘅消毒抑菌噴霧，噴一噴，等佢乾晒，再好好存放。女性情趣玩具上如果有氣孔，因為呢啲位難洗，易成為藏污納垢地方。所以，女士唔想用完玩具「妹妹」唔舒服，可以用之前加個避孕套，咁就安全。

按摩棒震蛋性玩具保養收藏方法

• 放入收納袋，以防鋪塵，成為蝨或塵蟎居所；

• 放喺陰涼通風地方，唔好俾太陽曬；

• 產品要入電池，就先拎出電池，電池長期存放會滲出液體，有損性玩具功能。

清潔按摩棒震蛋性玩具6大禁忌及常見錯誤

清潔性玩具禁忌1：電動玩具勿濕水

電動性玩具唔好用水洗，如果堅持，入電池嘅要拎出電池，插電嘅盡量唔好俾水接觸到插電位，但小編都係唔建議電動性玩具浸水濕水。

清潔性玩具禁忌2：勿用洗衫沖涼用品清洗

唔少性玩具嘅材料都係乳膠、橡膠或矽膠，而沐浴露或其他清潔產品嘅香料或化學成分，係有機會破壞玩具材質，令佢哋裂開，減低耐用性之餘，裂口位亦有機會藏菌，增加用完性玩具後，出現陰道炎風險。同埋，上述嘅清潔用品如果洗唔乾淨，令化學物殘留玩具表面，亦會對陰道造成刺激，或者令私密部位出現過敏反應。

清潔性玩具禁忌3：勿用酒精成分產品消毒

酒精係有腐蝕性，會破壞矽膠，令性玩具甩色，無咁耐用。

清潔性玩具禁忌4：勿用熱水清洗

如果性玩具嘅質料係矽膠，一用滾水洗，就唔耐用。倘若自慰棒嘅質料係合成樹脂，佢哋遇熱就會變形兼分解出致癌物質。所以，按摩棒頂多只可以用暖水洗，但唔好浸太耐。

清潔性玩具禁忌5：勿用風筒吹乾

好似上面咁講，情趣用品遇熱會變形爆裂，減低耐用性，所以唔建議用風筒熱力吹乾，亦唔好將性玩具放喺太陽下面曬。

清潔性玩具禁忌6：勿用沖涼巾抹乾

如果想用紙巾整乾性玩具，就用高質素紙巾。因為質素差少少嘅，怕佢生產過程已沾惹到細菌，或者一濕水就碎成一粒粒。至於毛巾，唔好用沖涼抹身嗰條，因為唔少人會將佢放喺潮濕陰涼地方，呢啲環境好易令浴巾表面滋生細菌。所以，用嚟抹乾情趣用品嘅毛巾，應該係另開一條新嘅，而且唔好甩毛。

女士情趣內衣清潔方法

情趣內衣如果屬於少布、網紗及多蕾絲，建議用暖水手洗，機洗可能整爛件衫或者令佢縮水。

BDSM性愛用具清理方法

• 皮革類產品用不含酒精濕紙巾抹一抹就得；

• 布類產品可以用水去捽，但留意會唔會甩色；

• 金屬產品可以噴不含酒精嘅專用消毒噴霧清潔。

自慰棒假鳩清洗常見問題

問：自慰棒假鳩用前要唔要洗？

答：要，因為放得耐會鋪塵，甚至有微生物行過。

問：自慰棒假鳩插完肛門，可唔可以直接插入陰道？

答：唔得！因為肛門好多菌，自慰棒插完肛門再插陰道，會引發陰道炎。想方便嘅，可以先為玩具戴上避孕套，當插完肛門，換避孕套，再插陰道。

問：自慰棒假鳩唔洗會點？

答：會有異味，令玩具更易老化或甩色。

按摩棒震蛋性玩具清洗用品推薦

睇完介紹，係咪對女士性玩具清洗方法有更多了解？晴趣屋都有賣唔同嘅女士性玩具清潔產品，例如係 Intimate Earth Green 茶樹油性玩具清潔噴霧、Iroha 女性情趣用品清潔泡沫或美國 Sliquid Shine 玩具清潔劑，如果想知更多相關產品資訊，可以去性玩具清潔用品專頁望望。