常見性事謬誤 - 你錯咗幾個？

身處香港呢個國際城市，好多嘢講得，唯獨係性事就唔係咁多人公開討論，就連老師、父母都好少提及性教育，好多時我哋都係睇 AV 或者喺網上學返啲性知識，呢類性知識其實有唔少都係錯誤嘅，所以，晴趣屋希望將呢啲常見嘅性事謬誤，為大家一一破解！

其實只要有性交就有機會懷孕，同第幾次係冇關係的。如果女仔到咗排卵期，而性交時冇做任何安全措施，就有機會懷孕。最常見嘅安全措施中，安全套係最好嘅選擇，除咗可以避孕外，仲可以預防性傳染病！

應該好多人講過或聽過，「喺射精前拎出嚟，就唔會懷孕」。錯錯錯！當男仔性興奮時，會分泌尿道球腺液，入面都有少量精子存在（如果有性病都會有病毒喺裡面）。所以只要冇戴安全套插入陰道，都會有機會懷孕。

無論你企喺度，坐喺度，甚至 360 度人體倒立旋轉等，只要冇做安全措施，精子都會不斷向卵子進發，都係會有受孕嘅風險。

望到呢個都想笑，如果口交會懷孕，精子到底要點樣先游到去子宮？消化系統同子宮係完全唔同嘅位置，就連第一步去到胃都會被胃液消化，仲點樣繼續落去？雖然口交係唔會懷孕，但性病仍然會透過口交傳染，建議都係用番安全套啦！

長同粗並唔保證令女性高潮，真正令女性容易高潮係性愛嘅體位同技巧。女性的 Ｇ 點一般喺陰道內的幾 CM 左右，所以長同粗唔一定會接觸到 Ｇ 點，相反更有機會傷到女性的子宮頸。體位同技巧遠比尺寸長粗更為重要。

所有安全套的設計都係一次性，就算清洗咗都冇可能重複使用。而且喺性愛過程入面，會造成安全套的磨損，所以記得樣樣野都可以環保，安全套係唔可以環保，只可以用一次。

男性的睪丸每日製造出精子，如果冇夢遺的話，都會被人體自行吸收，就算唔搞野都唔會對身體有影響，唔好俾人呃到啊！

有人認為自慰會傷害到性器官，甚至會導致不孕。其實自慰係有好多好處。其中一個係增加體內血液循環，繼而釋放腦內啡，產生快感、減低壓力、提高睡眠質素。一齊重溫番「自慰攻略 - 和自己做愛的藝術」。 睇咗咁多個性事謬誤，唔知你會唔會做過或聽過以上嘅事？唔好再俾人哋呃到，好好學習一下正確嘅性知識啦！

想睇更多性愛小知識或產品資訊，歡迎追蹤我哋 Facebook 或  Instagram ，不定時會有最新的消息同優惠。晴趣屋 Adult Loving，喺香港紮根超過 10 年，致力普及香港的情趣文化，令唔少單身男士、女士及有另一伴的人士享受情趣生活。「讓情趣放晴」係我哋嘅宗旨同使命，唔能夠令佢躲喺陰暗處。近年仲積極推動性教育，同大家分享學校同父母都未必會教嘅性知識。