如何保護睪丸 - 蛋蛋的健康

睪丸，係男性最重要的器官之一，點樣好好咁保護睪丸免受傷害都係一種學問。睪丸的用處係製造性荷爾蒙及精子的性腺，由發育成熟開始，睪丸會不斷製造精子和分泌性荷爾蒙，呢種能力會隨年齡增長而減弱，但可以持續到老年先完全停止。即係冇咗佢就唔係男人啦！咁到底日常應該要點樣保護蛋蛋呢？快啲睇落去然後記住佢！

陰囊皮膚遇冷收縮，遇熱就鬆弛，讓蛋蛋有一定的活動空間，長期著住緊身褲會限制睪丸嘅活動，而且緊身褲同陰囊緊貼，影響陰囊局部溫度，不利睪丸生產精子的功能。

由於睪丸對溫度非常敏感，蛋蛋的生長環境唔需要太高的溫度，蛋蛋有自我調節功能可以令自己處於相對舒適的環境。蛋蛋的溫度會比人體體溫低 2 度左右，超過 37 度可能會做成損害，影響到製造精子的細胞。

每日臨睡前，用手輕輕握住蛋蛋，反覆咁按壓放鬆，按 20 次左右。不單止可以促進蛋蛋的血液循環，亦都檢查到蛋蛋會唔會痛，如果出現問題就要及時去睇醫生檢查。

維他命 C 可以幫助抵抗細菌，提高自身免疫力。對於蛋蛋的保養有良好的促進作用。盡量唔好盲目食用補品，無論係藥物進補定係食療進補，過多的補品最終可能會對人體產生反作用。

當蛋蛋出現疾病的時侯，就須要及時進行治療，千祈唔好怕尷尬唔去睇醫生而令蛋蛋病情加重，愈早就醫就愈容易治療成功。