女性避孕套嘅5大優點總結：女生自主避孕，掌握性事主導權！

當進行性行為時，通常由男士配戴安全套嚟避孕，但你知唔知女士都有專屬嘅避孕套可以用？避孕效果更係高達95%！讓晴趣屋帶大家一齊嚟認識女性避孕套嘅優點同正確使用方法，帶你掌握身體自主，同伴侶享受性愛嘅樂趣！

一、女生也能擁有避孕自主權：女性避孕套

女仔們進行性行為嘅時候，有無試過比男方要求「可唔可以唔戴安全套」？一般來講，女仔避孕嘅方法多數係長期服食避孕藥去達到避孕效果，但如果女方無食避孕藥嘅習慣，男方又突然唔戴安全套嚟進行性行為嘅情況下，女仔就要獨自面對懷孕嘅風險，每日都處於恐懼之中。但女仔們知唔知其實女士都有專屬嘅避孕套可以用？

女性避孕套（female condom）係一種由聚氨酯（PU）製成嘅套子。安全套上面有內環同外環，內環放入陰道內，外環覆蓋喺外陰部，咁就可以喺性行為嘅時候阻擋精子進入子宮，達到大約95%嘅避孕效果。簡單嚟講，女性避孕套嘅功用其實同男性避孕套係一樣嘅！

二、使用女性避孕套有咩優點？

睇完簡單嘅女性避孕套介紹，女仔們係咪仲未完全理解呢樣新奇嘅嘢呢？唔使驚！就讓晴趣屋簡單講解下使用女性避孕套嘅優點同好處啦！

1. 女性可以擁有避孕掌控權

喺同男朋友發生性行為嘅時候，再唔使擔心男仔有無戴安全套啦！只要使用女性避孕套，女仔都可以喺性事中掌握避孕嘅自主權！

2. 預防性病

唔單止男士安全套，女性避孕套都可以降低性病傳染風險！除咗避免傳染性病疣、陰部皰疹等常見性病之外，亦可以預防陰道感染，保護妹妹健康！

3. 不受其他藥物影響

女仔們有無擔心過口服避孕藥同其他藥物一齊食會有交互作用，影響效果甚至傷害身體？使用女性避孕套就唔使擔心服藥問題，可以安心進行性行為！

4. 隨時皆可以使用

無論係懷孕期間、肛交，甚至月經期間，都可以使用女性避孕套，用法彈性十足！

雖然講咗咁多使用女性避孕套嘅好處，但仲有啲缺點係唔可以忽視嘅，例如女性避孕套較難購買、第一次配戴可能會有唔舒服嘅感覺、或者需要同時使用潤滑劑等。晴趣屋建議各位女仔們，先評估自己嘅需求，確認好購買渠道，最後同伴侶好好溝通同一齊學習使用，咁樣先可以好好享受性事帶嚟嘅快感呀！

三、簡單 6 步驟，戴女性避孕套一點也不難！

女性避孕套嘅樣子咁特別，第一次見到嘅女仔們肯定會滿頭疑惑，唔知點樣用先啱？唔使擔心！晴趣屋教你簡單6步戴上女性避孕套，其實一啲都唔複雜！

第一步

先確認女性避孕套嘅包裝上有無過期，小心撕開包裝拎出避孕套。

第二步

拉開避孕套嘅兩端，你會見到有一邊係細環，另一邊係大環。

第三步

用食指套住避孕套入面比較細嘅環，類似插入衛生棉條嘅方式，放入陰道。要注意將避孕套放深少少，避免佢滑出陰道。

第四步

將大環放喺陰道口，輕輕用手將避孕套撐開。開始性行為後，確認男方有完整進入避孕套入面。

第五步

性事結束後，輕輕捏住外圈嘅大環，旋轉兩圈，慢慢將避孕套拔出。

第六步

將避孕套一端綁起，然後丟入垃圾桶。

穿戴女性避孕套時，可能會有少少摩擦，或者唔夠濕潤令妹妹有疼痛感，呢個時候可以搭配使用水性潤滑劑，會令穿戴時更加舒服！

四、女性避孕套其實有這麼多款式！

妳知唔知呀！其實女性避孕套由上世紀末發展到而家，已經推出咗好多新款式喇！讓晴趣屋同女仔們分享3款常見嘅女性避孕套款式同使用方法啦！

• The FC2®

（The FC2® 示意圖，圖片截取自文獻：Beksinska, Mags; Smit, Jennifer; Joanis, Carol; Potter, William (2012). New female condoms in the pipeline. Reproductive Health Matters, 20(40), 188–196.）

美國女性健康公司 FHC（Female Health Company）設計嘅 FC2® 係初代女性避孕套 FC1® 嘅升級版本。FC1® 喺1993年推出，由聚氨酯（PU）製成，但呢款產品使用時唔單止會發出噪音，亦唔利於陰莖進入陰道，甚至會有少少唔舒服嘅感覺。

所以該公司喺2009年推出咗用「合成丁腈」物料製作嘅改良版本，呢個版本唔單止減少咗唔適感，亦節省咗製造成本，有效提高咗大眾接受度。

參考文獻：Acceptability of the Woman’s Condom in a Phase III multicenter open-label study

• The Woman's Condom

（The Woman's Condom 示意圖，圖片截取自文獻：Beksinska, Mags; Smit, Jennifer; Joanis, Carol; Potter, William (2012). New female condoms in the pipeline. Reproductive Health Matters, 20(40), 188–196.）

美國 PATH 公司設計嘅呢款避孕套主要材質都係聚氨酯，不過呢款避孕套嘅前端有膠囊嘅特殊設計，放入陰道後會溶解，並且喺陰道內形成貼合陰道嘅避孕膜，阻擋精液進入子宮。

• The Panty

（The Panty 示意圖，圖片截取自文獻：Beksinska, Mags; Smit, Jennifer; Joanis, Carol; Potter, William (2012). New female condoms in the pipeline. Reproductive Health Matters, 20(40), 188–196.）

除咗單獨嘅避孕套裝置，呢款由哥倫比亞 Innova Quality 製造嘅女性避孕套同內褲結合，希望可以為大家提供更快速、更方便嘅避孕套佩戴方式。

呢款特殊設計嘅內褲可以將避孕套固定喺適當位置，只要著上內褲，用手指或者陰莖就可以直接將避孕套推入陰道，使用起嚟比較方便。不過相對嚟講，價錢會高少少。內褲係可重複使用嘅尼龍材質，使用時只需要更換避孕套就可以。

五、女性避孕套使用遇到困難點算好？常見QA解答！

Q：女性避孕套好難戴點算？

A：如果戴避孕套時容易滑落或者唔舒服，可以先將避孕套完整拉出，將細環部分調整，重新放入陰道，慢慢搵到最舒服嘅位置。

Q：我點樣知道女性避孕套有無戴好呢？

A：最簡單嘅方法係確認內環已經推過恥骨。可以將手指伸入套子內，輕輕向前微彎搵到恥骨（陰道內靠近出口處），如果無感覺到避孕套要滑出陰道，就係戴好啦！

Q：女性避孕套有可能裂開嗎？

A：有可能裂開！要特別注意女性避孕套唔可以同油性潤滑劑或者男性避孕套一齊使用呀！

講咗咁多，晴趣屋仲想提醒所有女仔們，性事係雙方一齊享受嘅過程，除咗要保護好彼此嘅身體，亦要搵到雙方都舒服嘅方式，隨時關注對方嘅感受，好好體驗性事帶嚟嘅刺激同愉悅！