男女做凱格爾運動好處：強化骨盆底肌、改善漏尿及增性能力

19 Jul

作者 little-maid 0 評論 3905 查看

凱格爾運動又叫「提肛運動」或「骨盆底肌運動」，1948 年由 Dr. Arnold Kegel 提出，最初係為咗幫女性改善分娩後尿失禁問題提出。凱格爾運動目的係訓練骨盆底肌，令佢強化，解決一系列大小二便或性生活問題。訓練重點係要掌握住「收緊骨盆底肌」嘅感覺，即係下文經常提及嘅「煞車」。想知凱格爾運動係點樣做？係咪有副作用？呢篇文章，一一講解。

收緊骨盆底肌

進行凱格爾運動與忍尿關係

凱格爾運動對男女3大好處

凱格爾運動改善女性漏尿或孕婦產後鬆弛

凱格爾運動訓練方法

男女嘅下體存在住3組肌肉：內括約肌、外括約肌同骨盆底肌。凱格爾運動主要係訓練骨盆底肌。內括約肌同外括約肌可理解成兩道門，佢哋打開，糞便就流入尿道肛門。前者唔可以用意識控制開關，後者可以。至於骨盆底肌，佢係一組可以同時影響住尿道、陰道同肛門收放嘅肌肉。當骨盆底肌收緊，尿道肌肉、陰道肌肉同肛門肌肉都會同步縮緊。人想大小二便時，內括約肌會打開，令糞便湧出，但通常呢個時候，我哋都唔會喺廁所，仲可能上緊堂，開緊會，做緊嘢，於是我哋會透過意識，控制外括約肌，制止二便流入尿道肛門，撐到自己抵達廁所。咁骨盆底肌喺小便嘅過程又有乜作用？

舉例，有位阿叔好急尿，忍到極限都搵唔到廁所，於是就搵個無人嘅地方痾尿。當佢痾尿嘅時候，自然就打開咗外括約肌，俾尿液流入尿道，由條J排出。點知痾痾吓，阿叔見到好遠嘅地方有位小妹妹行過嚟。呢個時候，佢條J嘅內部就會即刻進行「煞車」動作，同一時刻，肛門口嘅肌肉都會同步收縮，最終令尿液即時停止排出，阿叔立即著好褲離開。

其實，上面成個「煞車」動作，就係阿叔透過收緊骨盆底肌，強行中止尿液喺尿道排出。所以，點解有人話，進行凱格爾運動，係同忍尿有關。但記住，絕對唔好經常喺小便嘅時候，突然「煞車」，或者進行凱格爾運動，因為唔俾尿液排出，係會導致膀胱受傷。

凱格爾運動對男女3大好處功用

凱格爾運動

凱格爾運動3大好處

凱格爾運動增強男性性能力

決定陰莖嘅硬度係血管！血液會喺動脈流入陰莖，再同時由靜脈流走。當大量血液進入陰莖，陽具就會勃起變硬。倘若血液走得快，唔可以長時間停留喺陰莖入面，陰莖就好難持久堅硬。惟一解決方法，就係做凱格爾運動，強化骨盆底肌，減少血量從靜脈流走，令到更多血停留喺陰莖，令陰莖更硬，「耐力」更持久。此外，凱格爾運動對預防或改善早洩亦有幫助，因為骨盆底肌強化後，係可以令男性更有效控制幾時先射精。

凱格爾運動改善女性漏尿或孕婦產後鬆弛

唔少女士喺大笑、咳、跑步同搬重嘢時會漏尿，原因係骨盆底肌喺懷孕分娩後，變得唔夠力。改善方法係進行凱格爾運動，令骨盆底肌恢復強壯。與此同時，女性多做凱格爾運動仲可以令陰道肌肉緊緻，增強性快感。有研究證明，只要骨盆底肌強化，就可以增強女性高潮嘅強度同持久度。

凱格爾運動訓練方法

訓練方法

要進行凱格爾運動訓練，重點係捉住一種發力感覺，即係：小便途中急煞車，強行中止小便排出。呢個動作，其實係用意識令身體發力，收緊骨盆底肌。凱格爾運動訓練可以每日做3次，每次做10吓起（最多30，量力而為，唔好勉強），進行方式好多，唔同醫生都有唔同建議，例如係瞓住做，坐住做，甚至企住做。做嘅時候，要做到上面提及嘅「煞車」感覺（即係收緊骨盆底肌），然後放鬆。跟住再「煞車」，再放鬆。而喺「煞車」同放鬆過程，有兩種做法，一種係即縮即放，另一種係收縮後，等5至10秒先放鬆。幾時先有效果？一般要持續訓練3個月先見效。