做愛熱到發晒瘟？冰感潤滑HIGH到暈！

「夏日熱辣辣，飲番杯凍檸檬茶～」相信大家唔睇新聞，淨係用你嘅身體去感受一下就可以知道啱啱過咗一個星期嘅大暑係多年嚟香港最熱嘅一次大暑！晴趣屋作為情趣用品界嘅清泉，喺呢度都提醒返大家天氣太熱嘅時候就記住飲多啲水，盡量留喺室內嘅地方，就算整到全身㷫烚烚都可以開個冷氣涼一涼呀嘛！

而不論係喺戶外工作嘅人士定係喺戶外野戰嘅情侶，夠晒熱力四射嘅各位都要小心唔好太持久啊！如果唔係一個唔覺意，一柱擎天柱搞到好似雪條咁樣融咗，搞到軟腍腍就唔係幾好啦～

雖則話降溫好緊要，但係新聞都有報啦，熱辣辣嘅時候想狂飲凍嘢幫自己降溫，可能會好危險！晴趣報話：「熱脹又冷縮，搞到尻都縮」，相信各位男士都唔想搞到有咁樣嘅後果。但係夏日炎炎好纏綿，想繼續享受性愛嘅愉悅但係又唔想搞到身水身汗，黐身黐世？先生女士們睇到呢度就有福了，因為晴趣屋幫到你！晴趣屋提供一系列嘅冰感潤滑液，令各位熱戀中嘅情侶們唔會俾對方散發出嘅熱力熱親，仲可以令你嘅肌膚同埋敏感部位，喺大熱天時一秒極速降溫，唔單止唔會有猝死嘅危險，喺性愛過程中仲更爽、更激、更享受！無論係雙人遊戲、多人運動定係自己一個自娛自樂都可以達到快感新高度！跟住落嚟我哋就介紹其中兩款產品，呢兩款都有一個好大嘅特點：冰爽、易洗、不牽絲！不過就要睇吓男士們對自己有冇信心喇～因為一個唔小心可能會太爽而搞到「馬上風」㗎！

大家一般喺「乜安」入面嘅成人用品橫町（情趣用品部）見到嘅潤滑液係咪一般都係標榜夠粘夠滑，務求 100% 重現 AV 情節作為賣點呢？正所謂「創作力量同幻想，會嚇你一跳」，有冇諗過潤滑液都可以好似水咁輕柔？呢款產品將會令你見識得到，因為 Orgie 冰感潤滑液 係水基㗎，而且同水一樣無色無味，更隱形、更絲滑！你可能會問：「佢咁似水，咁咪好快乾！？咁我用你嚟托咩？」啱喇，喺呢一度我可以話俾你知：並不會！ Orgie 嘅 Cool 版本唔單止唔粘，方便完事後容易清潔同沖洗，而且仲夠晒持久。冇錯呀！佢好持久，分分鐘仲持久過你添。有見及此，各位不如又試吓買返去，測試下究竟係佢持久啲定係你持久啲啦！

有某啲坊間品牌會使用酒精或者其他化學物質，令到產品具有極速降溫嘅效果，但係 Orgie 嘅原料係來自天然得冇得再天然嘅亞馬遜雨林，利用裏面嘅植物成分提取，唔單止原料夠晒 raw，仲唔會令到皮膚敏感，帶畀大家自然嘅薄荷涼感得嚟又唔會乸住乸住！而女士們想像一下，當一條搽滿 Orgie Cool 嘅巨根猝不及防咁插入嚟嘅時候，彷彿就好似被雪條抽插挑逗一樣，全身熱辣辣得嚟又 feel 到下面凍到震，爽歪歪得嚟又奇癢無比，最後只可以喺冰雪感覺下強制高潮！講到呢度，男男女女係咪都心郁郁呢？快啲嚟親身感受一下 Orgie 嘅威力啦！

G PROJECT x PEPEE 冰涼涼，係晴趣屋嘅暢銷產品之一，G PROJECT 係專出動漫向情趣用品嘅品牌，而今次就係佢同埋日本 No. 1 潤滑液品牌 PEPEE 合作嘅限量潤滑液第四彈！同 Orgie 一樣，呢款產品都係主打清爽唔粘笠，唔再係典型嘅潤滑液形象，都係清爽不牽線，保證你有前所未有嘅冰爽快感體驗！加上呢款產品係用動漫人物作為主打，長夜漫漫，空虛寂寞“HOT”嘅男士們喺自己嘅小天地裏面 DIY 嘅時候就可以盡情 FF，有咗清爽滋潤嘅冰涼潤滑液，無論係比漫畫女主角跪低口交又或者瞓喺床上面望住佢對 36D 好似跳脫嘅小白兔咁上下躍動都一樣爽到 0 秒出汁！

相信各位男士們都係怕麻煩，最好就當然係可以「射後不理」啦；而女士喺連連高潮之後相信都已經手軟腳軟，仲要沖洗清潔簡直就係玩死自己 ⋯⋯ 咁呢款潤滑液就啱曬你哋喇！G PROJECT x PEPEE 冰涼涼唔單止夠曬輕薄同埋滋潤長效，完事之後仲唔使進行清洗處理工作，直頭係用紙巾抹一抹就搞掂，簡直係不論男女嘅自慰好夥伴！冰涼涼，你今日用咗未吖？

好喇！以上呢兩款喺男男女女慾火焚身嘅時候畀大家出下火、降下溫嘅水潤冰感潤滑液就，暫時介紹到呢度先。相信睇到呢度，不論男女都已經搞到㷫恰恰㗎喇，喂咁你仲睇！？快啲喺網上買番支啦！小心中暑啊！