做愛持久力訓練提升方法！性專家5招改善早洩！延長射精耐力

26 Oct

作者 little-maid 0 評論 4686 查看

做愛持久力點維持？性愛持久力分兩方面：硬度持久力，同唔好咁快射。呢兩樣嘢嘅相反，就係陽痿同早洩。喺呢篇文章，晴趣屋會講吓正常男人應該做幾耐先射，亦分享6個方法增加做愛持久度。想享受更耐嘅性愛樂趣，呢篇文唔好錯過啦。

做愛持久力點維持

男人平均做愛持久力是多少時間？

正常健康男性，一般將陰莖插入陰道後，會喺3至10分鐘內射精！據英國《每日郵報》向8000多名男士調查發現，有56%男性會抽插3分鐘就射精！

做愛持久力差就是早洩？

早洩係指男士陰莖勃起後，一分鐘內就射咗出嚟。呢種射精，可以發生喺陽具進入女性陰道內，或插入陰道前。所以，男士進入女士身體後，抽插3至5分鐘先射，都唔算早洩。上年紀或前列腺健康出問題男士，都係早洩高危族！自瀆唔會早洩，但手淫方式錯誤，係可以導致早洩。例如追求速度，要9秒9完成。長期咁打丁，就會早洩。

硬度無法持久就是陽痿？

陽痿指陰莖唔可以持續堅硬或勃起，係同睡眠不足、生活壓力大、心血管問題、受煙酒藥物影響有關，主要發生喺中年男性身上。心理質素亦好重要，如果因為對上一次做愛，做做吓軟咗。第二次做嘅時候，擔心「悲劇重演」，咁就真係有機會再一次「軟下來」啦！

如何提升做愛持久力？

1.透過心理調節增加愛愛持久力

驚同緊張係會令男士好快射精或者「軟下來」，所以久唔久出現呢類問題，係正常。解決方法係令精神放鬆，唔好緊張。倘若第一次做愛出現「失敗」，到第二次做愛時，一定要將「失敗」忘記，避免影響表現，提升做愛持久力。

2.多做增加持久力運動：凱格爾運動

想做愛做得耐，就要「硬」得耐，而決定陰莖硬度係血管！血液會喺動脈流入陰莖，再同時由靜脈流走。當大量血液進入陰莖，陽具就會勃起變硬。倘若血液走得快，唔可以長時間停留喺陰莖入面，陰莖就好難持久堅硬。惟一解決方法，就係做凱格爾運動，強化盆底肌，減少血量從靜脈流走，等更多血停留喺陰莖，令陰莖更硬，「耐力」持久。

3.改善進食增加做愛持久力

食煙係有機會影響陰莖勃起耐力，香煙嘅尼古丁會令血管收窄。其他有害物質，亦會令血管硬化，令血液難以流通，影響陽具勃起。想硬耐啲，戒煙係要！需要時，戒埋酒更好。

4.行房前手淫一次提升做愛持久力

講完點維持長時間硬度，接住落嚟3點，就講點可以唔好咁快射精。方法之一係做愛前先手淫一次，射一次精。咁到真正行房時，就無咁快射精！原因有兩個：第一係性慾下降咗；第二係性刺激感會相對第一次射精前下降。性慾少咗，抽插帶嚟嘅興奮感亦少咗，咁就無咁易射精！

但咁嘅做法，係會影響男士對性愛嘅投入度，即係對性伴侶無咁激情，男人會好似條「死魚」咁做愛，令性伴侶感覺唔到你有幾愛佢！

5.控制射精延長做愛持久力

有唔少性專家都會建議男士透過忍住射精，訓練個人持久度。射精係透過陰莖上下郁動而成。以興奮度嚟講，如果陰莖未勃起係0分，咁精液由輸精管噴出，射出體外就係100分。忍住唔射精嘅訓練，係指打丁時，當覺得有想射嘅感覺（即興奮度去到70分），就要停手。等射精感覺消散，再繼續打手槍，令陽具再勃起，訓練時間一般15到20分鐘就可以。

但留意，有啲人去到99分都唔停手，結果興奮到輸精管已經噴出精液，但有人就強行搾緊陰莖，唔俾佢射出體外。其實，咁已經算係射咗精。而強行唔俾精液射出，精液會「回流」，係非常傷身。