-80x80w.jpg "T-BEST")
2021年最詳細安全套購買指南 - 避免買錯 condom 戴錯袋
市面上的安全套五花百門，形形色色的安全套喺貨架上面，應該要選擇邊款？通常喺連鎖店購買安全套，唔會刻意拎上手慢慢研究，嗱嗱臨拎起就去付款，好驚比人睇到自己買安全套個樣，咁情況下，連埋單都會尷尬，更何況要問店員呢款安全套到底有咩功效呢？而且，一般個人護理店出售嘅安全套種類唔算豐富，員工們對安全套的認識未必多過你。
來晴趣屋買安全套
要避免買錯 condom 戴錯袋，最穩陣就係上嚟「晴趣屋」門市，我哋嘅同事對安全套有充分認識，產品多樣，功能齊全，購物唔會尷尬！呢篇文章都可以幇到你，大大減低買到中伏安全套嘅機會。
選擇安全套，首先要問您用緊或用過的安全套有咩嘢唔好？例如，最常見的缺點係安全套好容易穿，咁就應該選擇超滑安全套（唔知點解的話可以睇番呢篇：潤滑液與情趣生活安全套上的潤滑液）；安全套太細，戴唔上去，咁應該要選擇大碼安全套；用咗安全套後冇咩感覺，咁應該選擇超薄安全套等等。
使用咗唔適合嘅安全套除咗會令人唔舒服外，仲會大大影響安全套最主要的功效，即係預防性病及避孕！所以買啱 condom 戴啱袋絕對係必須的、刻不容緩！下文就安全套幾個特點和大家分享吓：套的厚薄度、套的尺寸、套的味道、套的形狀、套上使用的潤滑液及安全套的使用地方。
套的厚薄度
而家好多安全套的外包裝盒上都會標明數字，例如 0.03、0.02、0.01 等等。數字代表安全套的薄度，而最薄就係 0.01 安全套，0.01 及 0.02 安全套使用聚氨酯 PU 物料製造，雖然寫住 0.01 的薄度，但實際上係 0.018mm，連四捨五入都唔計算，直接抹去後面的 8 字，廠商好識玩數字藝術！而 0.03 或以上的安全套通常用乳膠製造。可能有人會對安全套過敏，其中以乳膠過敏居多，有這種情況就唔好用 0.03 或以上嘅安全套。
睇到呢度，唔好以為安全套愈薄就愈容易穿，事實上 PU 係比乳膠強韌三倍，可以話係愈薄愈安全！另外，會見到有標明 0.1mm 安全套，但要睇清楚， 係 0.1mm 而唔係 0.01mm，差咗10倍，0.1mm 係好厚嘅安全套嚟！適合想持久啲，唔想太快射的朋友用！
套的尺寸
常見的安全套都冇標明 size，大部份可以當佢係中碼。如果見到盒面寫住 L 的話就代表大碼，但好少會見到有 S （細碼）印喺盒面，可能廠商有考慮到唔想客人比店員見到買 S。唔同種族嘅人平均陰莖尺寸不同，例如亞洲人同歐洲人、非洲人的尺寸已經有明顯嘅的分別（平均而言），對歐洲、非洲人嚟講，佢地嘅中碼就等於亞洲人嘅大碼。最簡單的分辨方法係您使用過的安全套會唔會比較鬆或窄，根據之前用過的經驗而去購買適合自己尺寸的安全套。比較專業的分辨方法係，量度自己陰莖的闊度，市面上的安全套大部份都係 52-55mm 左右，呢個尺寸就係屬於中碼，適合大部分嘅陰莖。大碼安全套就係 56-58mm 呢個範圍。如果之前用過的安全套覺得比較緊，恭喜你，大碼安全套才適合你的大陰莖。咁如果屬於中碼同大碼以外，唔使灰心，「晴趣屋」都有產品啱你，由 47-69mm 尺寸的安全套，非常齊全！
套的味道
唔講唔知，安全套都有唔同味道嘅選擇？有味道嘅套除咗用嚟性交外，最大嘅用處就係口交：有時伴侶的下體可能會因汗味或其他原因難以入口，或者口交時侯想有水果味道感覺，好似真係食緊蕉咁。味道方面，百花齊放，有水果味，例如士多啤梨、朱古力味、薄荷味等等。除咗男用的果味安全套外，仲有女用的果味口交膜，口交膜的用處同安全套一樣，顧名思義，好似一張紙咁，覆蓋喺女性陰部上，然後男性用舌頭隔著口交膜舔陰戶。
套的形狀
大部份安全套的形狀都差唔多，但有部份會添加凸點、橫紋等等，增加玩味。好處係令到女性感受更強列的摩擦，每一次抽插時，凸點橫紋輕輕刮住陰道的內側，可能會比平時更容易高潮。除咗凸點橫紋外，仲有一款叫做貼身安全套，貼身嘅意思係安全套的剪裁根據男性龜頭位設計，戴上後就完美貼緊龜頭，比普通的非貼身安全套更有 feel。
套上添加的潤滑液
上文提及，PU 物料做的 0.01 及 0.02 安全套係比 0.03 以上用乳膠製造的安全套強韌三倍，理論上講，厚的套比薄的套更容易穿。咁，唔想安全套穿而影響一生，最好辦法係添加潤滑液喺安全套上，雖然大部份安全套上都已經有少量潤滑液，由於潤滑液係會被身體吸收，做愛時間稍長，套上面潤滑液容易揮發，安全套就比較容易穿。可以選擇一些超滑安全套，套上添加更多潤滑液，做愛時會比較順暢。有部份安全套仲會添加熱感或冷感潤滑液，做運動時就更容易感受到套上的溫度，帶嚟更多樂趣！
套的使用地方
除咗男性用嘅安全套，其實仲有女性用嘅安全套以及手指安全套！女性用安全套放入陰道內壁，同男性安全套一樣，都係防止精液流入子宮。而手指安全套套喺手指，進入陰部或肛門時用，減少來自手指上的細菌感染，亦可以避免指甲刮損脆弱的私處。 睇咗咁耐，係咪覺得外面賣緊嘅安全套種類好少呢？戴套嘅目的，不外乎就係想自己同伴侶更舒服、進行安全性行為。當然，大家要參考我哋「晴趣屋」之前另一篇文章：「戴袋攻略-安全套正確用法」，學埋正確嘅戴套手法。
延伸閱讀：
請留言