Summer Sex Tips

天時暑熱，唔知道大家會唔會覺得近排都好似躁躁地，同埋連個人都更加衝動呢？嗱，小編講緊嘅唔止係行為上喎，更加係性慾方面啊！之前嘅晴趣快報都做咗一期專欄係關於天氣同季節點樣影響性慾嘅，而夏季又曬又焗，個人又㷫烚烚咁，自然就性慾旺盛啦！

不過今期就唔重提舊事，當男男女女喺夏天更加願意激情狂歡嘅時候，又係咪真係可以點玩都得，喺邊度玩都得呢？當然小編知道有時性慾呢家嘢唔係話想控制就控制得到嘅，慾望就有如滔滔江水、連綿不絕，又有如黃河泛濫一發不可收拾！如果喺夏天激情唔想樂極生悲，又或者唔想二人同行變咗意外造人，咁就要留意一下夏天做愛注意事項喇：

相信唔少男士們都一定有隨身袋住一兩個 condom 嘅習慣，以便去到諾士佛臺又或者落坊嘅時候有啲不時之需呀嘛。咁樣當然係一件好事啦，除咗避免一個唔覺意錯手造人之外，倘若咁啱撞正對方都係 player，仲可以防範一啲意想不到嘅「意外禮物」⋯⋯ 即係愛滋病嗰啲咁。只不過隨身就唔係即係話貼身嘅，多數男士們就會選擇將佢放喺隨身嘅背囊、銀包，或者係車入面。只不過，相信大家都知道近排嘅夏天真係一日比一日熱，今年嘅大暑更加係達 40 度高溫，而喺密閉空間焗住嘅安全套，就會好容易受到持續高溫損壞，破壞咗佢裏面一定嘅成份，甚至令到安全套唔可以完全發揮佢本身嘅效用，容易令到有意外懷孕或者傳播性病嘅發生！所以男士們千萬要記住，安全套一定要放喺通風、陰涼乾爽嘅地方，仲有記得唔好用過期套啊，如果唔係就後。果。自。負！發現自己個 dom 過咗期，又或者怕佢虧虧地？咁仲唔快啲嚟晴趣屋選購各式各樣嘅安全套？多款選擇，梗有一款啱晒你！

相信女士們多多少少都有啲類似話題嘅，咁唔知睇呢篇嘢嘅男士們有冇同人哋比較做愛時長嘅喜好呢？唔緊要！小編喺呢度話俾你哋聽，當對方吹水吹到話自己可以扑個幾鐘頭嘢嘅時候，而你只可以維持十分鐘，咁你就可以話俾佢聽：你小心啲！因為你可能好快會死！冇錯，喺夏天咁熱嘅天氣，性生活維持嘅時間太長並唔係一件好事。相反，如果過於長時間咁做愛甚至會容易出現脫水嘅情況 —— 畢竟大家嘅狀態都係咁亢奮同埋咁激烈。如果可以嘅話，最好可以喺床頭邊擺支水，等完事之後補充一下水份，身體恢復得快啲，而情侶們又可以繼續「再戰再嚟」！不過小心唔好攞咗床頭嘅嗰支來自晴趣屋嘅冰感潤滑液嚟飲喎，雖然一樣係無色無味仲夠晒冰涼，而且唔會拉絲，簡直就好似水一樣～但係唔好意思，只宜外敷，不宜內服！

做愛呢一個過程當然係開心舒暢啦，但係喺夏天做愛有時候都會帶嚟小小嘅唔舒服 —— 就係經過一段時間嘅性愛之後，大家都會發現自己汗水淋漓，充滿着男人味同埋女人味。而女士們又鍾意喺完事之後同對方纏綿一下，攬到實一實，搞到黐笠笠。所以好多人都會選擇即刻去過返過冷河，即係沖個凍水涼，之後先至再繼續呢一個事後步驟，等個人清爽啲，自己都舒服啲呀嘛。但係做愛其實都係一種運動，而啱啱做完咁劇烈嘅運動人嘅毛孔係會打開晒，加上炎熱嘅天氣底下，需要恢復嘅時間亦都更加耐。即刻沖凍水涼唔單止會令到鳩都縮埋，更加有機會令到男男女女感冒。而喺呢一個疫情肆虐嘅情況下，我諗大家都唔想俾人誤會自己係中咗 Covid 掛？若果真係頂唔順呢種感覺嘅可以上嚟情趣屋睇睇，我哋有多種唔同產品，就好似 Tenga Vio 男用濕紙巾一樣，輕輕一抹，清爽嘅金橘同埋薄荷香味就即刻充斥着你嘅身體，清爽之餘仲帶有微微嘅香氣，咁樣先至係真正嘅男人味呀嘛！

「注意事項多籮籮，唔睇唔知有後果」，上面就係夏天嘅一啲性愛注意事項，係非常之熱辣辣嘅性愛冷知識，希望大家睇完之後可以更加注意有關於性愛同埋事前事後嘅準備。今次就講住咁多先，如果大家有興趣嘅話，小編隨時會出第二輯夏天性知識㗎！下個星期嘅晴趣快報會講一下有關夏天嘅私處清潔，敬請留意，Stay Tuned！