More on Dildos

各位打工仔們上星期等車等得開唔開心呢？難得我哋偉大嘅天文台山放咗各位打工仔兩個鐘頭大假，大家就應該好好感恩啦～天文台，我真係多_謝晒你啊！好喇，話說馬鞍嚟嘅嗰夜大家都有少少少少嘅憧憬第二朝有望放番個上半晝假㗎喇，尤其係男伴因為冇車而過唔到嚟你屋企好好咁享受深夜浪漫嘅女士們，對住四面牆又成晚流流長，唔多唔少都應該有啲空虛、有啲寂寞、有啲凍嘅～所以俗語有云，乜嘢都要未雨綢繆，長夜漫漫，點都要搵啲嘢陪下自己嘅。

想獨自浪漫，「聊以自慰」？其實除咗一般嘅玩具之外，仿真陽具都不失為一個真實得嚟又唔錯嘅選擇，絕對係可以用嚟代替男性嘅信心之選。因為唔單止大細可以自己揀，唔使試車之餘仲可以幾時硬就幾時硬！

可能有啲女士會覺得使用咗仿真陽具之後好似冇一般嘅玩具咁盡興，咁呢樣嘢就要由一般嘅震動式玩具同埋仿真陽具嘅分別開始講起。一般使用玩具所享受嘅都係陰蒂以及外陰部分所感受到酥麻嘅震動感覺，享受吸啜或者挑逗陰蒂嘅刺激感。雖然某啲有分為外部同埋內部兩用，但係大部份其實都唔適宜直接完全放入陰道內使用嘅，因為咁樣可能會導致陰部撕裂又或者傷害到陰道嘅組織，為咗爽嗰一陣搞到有排冇得用就唔係幾好啦！

而至於仿真陽具就係比較着重於抽插嘅時候嘅快感，而某啲仿真陽具所附帶嘅震動模式都只係為咗加強快感以及對 G 點嘅刺激，對於按摩同埋刺激外陰同陰蒂嘅功能相對來講都係比較薄弱嘅～所以！如果身為女士嘅你一向都係鍾意同男伴真槍實彈咁對戰，享受俾人狂抽猛送嘅感覺多過畀人攻擊「豆豆」的話，係咁仿真陽具無疑就係你寂寞時候嘅最佳選擇！

跟住落嚟就去到如何挑選最適合自己嘅仿真陽具喇～當然，有男伴嘅女士們就可以揀返同自己愛人嘅長度、粗度最相似嘅仿真陽具，甚至可以選擇倒模，嚟番次「真 · DIY」啦，呢啲就係另類嘅睹物思人喇！至於單身嘅女士們，就可以根據自己陰道嘅容量，同埋究竟係鍾意畀小鋼炮瘋狂磨擦 G 點定係等巨龍直達花心嘅感覺，從而挑選返適合自己嘅粗度、長度甚至係龜頭嘅形狀、大小嘅仿真陽具，畢竟唔係每個人都鍾意「塞好塞滿」㗎嘛，係咪？

跟住落嚟就嚟到戲肉，就係點樣使用仿真陽具喇？當然，使用呢啲嘢嘅時候潤滑劑就係必不可少㗎啦，但係大家又會挑選乜嘢種類嘅潤滑劑呢？水性潤滑劑基本上係適用喺任何玩具上面嘅，但係相比之下，佢嘅質感就冇水矽性潤滑液咁黏稠，有啲女士就可能覺得差咁啲「纏綿」嘅感覺喇～而水矽性潤滑液的確可以喺女士使用 sex toy 嘅時候表現嘅效果更佳，所以如果真係用呢一款潤滑液嘅話，女士們就記得喺玩完之後要用清水徹底咁清洗你嘅仿真陽具喇！

關於仿真陽具嘅清洗方式同埋保養方法，大致上來講都係同上一篇如何清洗及保養 sex toy 嘅步驟同埋方式大同小異，不過需要注意嘅係，如果真係想選用仿真陽具嘅話就記得選取返一啲質素比較好嘅材料，例如醫學用矽膠呢一類嘅仿真陽具。千祈！千祈！千祈！唔好貪平買咗啲塑膠製嘅仿真陽具啊！因為佢哋好有可能係使用期間會釋放有毒物質，到時搞到樂極生悲就唔好啦！

仿真陽具屬於非常私人嘅用品，就算係你嘅閨蜜都好，最好就梗係唔好同人哋交換嚟玩喇，快啲上嚟晴趣屋嘅網店到揀返一條屬於你自己最私密，最貼合你嘅陰道形狀嘅仿真陽具啦！唔知道啱唔啱自己？你亦都可以親臨門店慢慢睇慢慢揀。性愛係一樣在平常不過嘅事，而不論男女都會有性需求，唔使怕尷尬，亦都唔需要就住就住，想點揀就點揀，想點玩就點玩！