How to Shave your Bikini Line

炎炎夏日，計劃出去游吓水，曬吓日光浴，又想著比堅尼 SHOW 吓身材，但又驚比人睇到比堅尼位以外嘅毛毛，咁點算呢？建議做番個「比堅尼脫毛」啦！三角內褲前面嘅Ｖ字邊緣被稱為「比堅尼線」，毛毛容易從呢條線的邊緣露出，尤其是天生毛髮比較旺盛的女性，咁就唔好睇啦。「比堅尼脫毛」能夠將腹股溝位置的毛髮剃成小於比堅尼線的形狀，修剪之後就避免咗毛髮外露嘅尷尬！

呢度唔講激光脫毛，只講用自己嘅能力脫毛。可能有人問，要全脫定係只脫一部份？陰毛的作用係減低私處同內褲之間的磨擦，同時避免細菌及灰塵進入陰道，有保護皮膚的作用，所以唔建議全脫。

另外，婦科醫生亦唔建議女生喺月經期間進行比堅尼脫毛，嗰啲時間私處比較敏感。脫毛後嘅護理都唔可以忽略。脫毛後三日都唔可以去游水、做水上活動同日光浴等，最好避免沖過熱嘅水同做高溫瑜伽之類。避免著緊身褲，內褲亦最好選擇純綿質地，減少過度磨擦而令到比堅尼位紅腫同變黑！

想冇咁易紅腫同變黑可以參考以下幾種方法：避免著上緊身褲，被摩擦到的皮膚部位係令到比堅尼位脫毛後最容易變黑的原因。比堅尼線的兩側經常同內褲磨擦，再加上緊身褲、或者唔透氣的絲襪貼身拉扯的情況下，都會令毛孔散熱功能受阻，誘發毛囊炎。脫毛後兩三日，嘗試換上舒適嘅平腳內褲，外面穿的褲或裙最好以鬆身為主，比毛孔透一透氣，紅腫自然會消退。

即使去除毛髮，比堅尼線肌膚一樣好似其他部位的肌膚出現凹凸粗糙感，咁呢個情況下，比堅尼位最容易變黑。脫毛後，比皮膚休息三日，之後復原期就使用磨砂產品。不過，比堅尼位始終較幼嫩敏感，可以先薄薄塗上天然護膚油，然後塗上粒子幼細的去角質產品，由內往外的手法輕輕按摩，能夠將老舊角質溫和地清除帶走 。

盡量攝取維他命 C，維 C 可以增加皮膚的抵抗力，減少黑色素形成，美白比堅尼位，建議多食含高維他命 C 的生果，如橙、奇異果、西瓜、士多啤梨等。 此外，「晴趣屋」售賣的美白粉嫩霜都有效減低黑色素的出現。通過按摩令美白霜深入滲透肌膚組織，加快皮膚的新陳代謝，提高色素的分解速度，恢復皮膚的紅潤細緻！

比堅尼脫毛而家都成為一門藝術，可以將毛髮修剪出各種唔同嘅形狀，例如比較傳統的心狀，仲有法式同巴西式等流行造型。法式係將比堅尼線周圍嘅毛髮剃乾淨，保留中間同後面嘅毛毛，即係將前面的毛髮修剪成窄窄的長方形。仲有一種沙漠島巴西式的三角形，好似沙漠上一個小島而得名。品牌 Lady Shape 推出嘅剃刮模板就包含以上三種剃法，不過唔係所有人都適合剃毛，最好因應自己身體狀況衡量須唔須要。