有效棄置吹氣公仔/矽膠娃娃的方法

今日比我見到喺 FB 有人 POST 咗矽膠公仔嘅片，條片係關於有人將矽膠公仔包到成條咸魚咁掉落去垃圾車入面，然後有人發現同報警，之後就嚟咗幾個著晒成副武裝嘅工作人員同埋警察睇吓係唔係有藏屍案，點知拆出嚟嘅係一隻矽膠公仔，而且仲要幾靚下。睇到呢度，我就覺得應該要有一個方法比人地正確棄置吹氣公仔或矽膠娃娃，以免比人以為有兇殺案，浪費人力警力啦。

為咗科學處理充氣娃娃或吹氣公仔，我哋整理出一套有效方案，比大家參考。 由於香港暫時仲未有垃圾分類處理，我哋就用日本嗰類垃圾分類處理方法，分為可燃垃圾、不可燃垃圾、資源垃圾同粗大垃圾。咁問題就係：充氣娃娃屬於咩垃圾呢？

首先要了解充氣娃娃的內部構造。目前，市面上的充氣娃娃一般有兩種。第一種係比較多人認識、價格相對低廉、需要充氣使用的，一般係塑料或 pvc 製品的吹氣公仔。而第二種係價格比較昂貴、實體仿真，外皮會用到矽膠，骨架係合金材質嘅矽膠公仔。

根據日本的垃圾分類原則，矽膠屬於可燃垃圾，可以每星期將可燃垃圾放置喺垃圾收集站。而合金骨架屬於不可燃垃圾，只可以每個月掉一次。而其中的合金骨架因為比較大件，有機會要分類到粗大垃圾類，需要叫人上門回收。但除咗上面幾個肉眼可見的材料外，吹氣或矽膠公仔內部仲有好多細小零件。比如眼珠、假髮，仲有男用吹氣公仔的陰道，或者係女用充氣公仔的陰莖。

市面上用喺吹氣或矽膠公仔眼珠材料大部份係矽膠，而身體所採用的，大多係矽膠製品、假髮的材質係人造纖維，可以分類為可燃垃圾。而陰道同陰莖，看似功能繁瑣複雜，其實構成好簡單，就是液態矽膠 + 電線 + 電池。以下就係簡單的分類。 可燃垃圾：眼珠、頭髮、矽膠身體、陰道、陰莖。不可燃垃圾：合金骨架、電線、電池。

關於吹氣公仔如何垃圾分類亦都一目了然。 當然，以上純屬搞笑性質，香港係唔適用以上的分類方法。每一款吹氣公仔或矽膠公仔的構造都唔一樣，詳細的歡迎問我地點樣棄置。